Yn dilyn canlyniadau’r etholiadau i’r Senedd dros y penwythnos 7-8 Mai, mae ColegauCymru yn edrych ymlaen at weithio gydag Aelodau newydd y Senedd a rheiny sy’n dychwelyd dros y pum mlynedd nesaf.
Dywedodd Cyfarwyddwr Polisi a Materion Cyhoeddus ColegauCymru, Dr Rachel Bowen:
“Mae Addysg Bellach yn hanfodol i adferiad Cymru o Covid-19 wrth i ni geisio adeiladu dyfodol gwell a mwy disglair i’n holl ddinasyddion.”
“Rydyn ni’n gwybod y bydd gan Gymru Weinidog Addysg newydd o leiaf ac rydyn ni’n edrych ymlaen at adeiladu perthnasoedd gwaith adeiladol, nid yn unig gyda Gweinidogion Llywodraeth Cymru, ond gydag Aelodau’r Senedd o bob un o’r pedair plaid”.
“Mae dysgwyr a staff o bob rhan o'r sector Addysg Bellach yn haheddu ein hymdrechion gorau i sicrhau'r dyfodol mwyaf cadarnhaol posibl”.
Gwybodaeth Bellach
Llwyddiant yn y Dyfodol: Argymhellion Polisi ColegauCymru ar gyfer Llywodraeth nesaf Cymru
Llun gan Julian Nyča / CC BY-SA
